Back to top
Karl Roy, R.I.P.
Paalam mula sa aming SPOT.ph blogger: "Mabuhay si Karl Roy. Patay na si Karl Roy."
Published on: Mar 15, 2012 - 8:41am

251

21


24
Share this Article
251


 

Puwedeng sabihin na si Karl Roy ang unang funk-rock superstar sa Pilipinas (Puwede mong singitan ng “rock” pagkatapos ng “funk”). Bakit ko nasabi ito? Dahil ang pinakasikat na hit na binosesan ni Karl ay isang funk na awitin, ang “Yugyugan Na,” isang revival ng komposisyon ng ‘70s band na The Advisors. Ang lupit ng kanta: isang dinig lang, parang sinisiliban ang talampakan mo. Parang gusto mong sunugin ang disco floor. Opening bass line na parang dinaan sa wah-wah pedal na parang sumusuka. Susunod ang pag-uudyok: “Sige na, peeeepowl….” Impeksyon sa tenga, kuryente sa ugat. Usok sa entablado.

 

Walang masyadong binago ang bandang P.O.T mula sa orig na 1977 version ng The Advisors—isang testamento sa taas ng panlasa ng supergroup na ito (Ang kakayahang kumilala kung ano ang maganda at kung ano ang makasisira sa areglo).

 

Importanteng pagtuunan ng pansin ang elemento ng “funk.” Magkaiba pa rin ang estetiko ng funk sa estetiko ng rock. Hindi pareho ang talbog nila, kahit pareho ang metro. Kadalasan pag sinabi mong “soul” ang imaheng naiisip ay isang Afro-American na ‘70s, nakaputi, bell-bottom pants, at may afro na hairdo. Si Karl ay mukhang punkista— burdado ng tattoo ang buong katawan halos, payatot, mukha na parang inukit sa kahoy. Nanlilisik ang mata pag kumakanta. Pero pasok na pasok ang boses sa funk-soul. Tailor-made para sa kanya ang “Yugyugan Na” at ang “Hanggang Magdamag” ng Soul Jugglers na kinover ng Kapatid.  Hindi anachronistic ang dating. Si Karl Roy isang tunay na funky brother na lumulutang sa ibabaw ng panahon at kalawakan.

 

Una kong nakilala si Karl Roy noong.... Leche. Hindi ko na maalala. Importante pa ba yun? Sabihin na lang natin na pag ikaw ay may banda, ang mga detalyeng gaya ng petsa at lugar ay nababalot sa hamog ng limot. Puwera na lang kung ang banda mo ay yung tumutugtog sa El Shaddai. Labo-labo na sa isipan ang mga ganun. Nagiging Twilight Zone. Depende sa iyong nalagok. Pero sigurado akong mga late ‘90s yun. Nga ba?

 

Animal si Karl sa stage, pero sa totoong buhay, wala siyang kaangas-angas.  Wala ring ka-ere-ere, kahit sinong tanungin mo. Hindi siya naging malupit kahit kanino— siguro sa sariling niyang atay lang. Napaka-gentle niyang tao.

 

“Icon” ang salitang walang pag-aalinlangang ginamit ng mga headlines sa social media.  Kadalasang ginagamit lang ang salitang ganito sa mga ka-edad nila Pepe Smith at Mike Hanopol. Pero angkop na salita yun para kay Karl Roy, kahit edad 43 lang. Wala tayong debate dun, at mukhang alam na rin ng lahat kung bakit. Sa kronolohiya ng rak en rol— na may casualty rate na 27, kung susundan sina Hendrix, Joplin, Morrison— ito’y overdue na. At may mga magsasabing himala na nagtagal pa si Karl sa ganung edad. Ang biro nga, mas maraming nagulat na umabot pa si Karl sa edad na 43. Wag na nating ungkatin kung ano ang ibig kong sabihin— alam na yan ng sinomang sumusunod sa rock community. Sabihin na lang natin na hindi siya enrolled sa zumba classes sa Gold’s Gym.

 

Ano ba ang leksyong kapupulutan sa buhay ni Karl Roy? “The road of excess leads to the palace of wisdom?” Todo sa buhay, todo rin sa tugtog? Wag naman. Hindi naman patas na makilala lang si Karl dahil sa rock and roll lifestyle. Masyado nang maraming ganyan sa mundo— yung iba pa nga kumakanta pa ng Backstreet Boys at cha-cha. Hindi kailangang rak en rol ang tugtugin mo.  Hindi naman rak en rol ang mga kanta ni Whitney Houston. Yung isyu ng pagmamalabis sa katawan ay hindi dapat bigyan ng timbang na kaparehas sa trabahong iniiwan sa altar ng musika.  Hanggang sa huli, musika pa rin.

 

Maraming sumubok gumaya sa boses niya— buong buo, pero may tamang angas.

 

Ngunit pag kinakailangan, bumubulwak ang kaluluwa, may sapat na damdamin. Gaya ng maririnig sa “Prayer,” “Piece of This,” at “Ulitin,” lalo na sa bridge na biglang tumahimik ang lahat. Pag kailangan naman ng bagsik at poot, wala ring problema. Exhibit A: Kapatid’s “Sunday Shining.”

 

Ligtas na si Karl Roy. Hindi na siya tatanda. Hindi na siya makikitang inuuban o nakakalbo, uugod-ugod, at kinakanta pa rin ang “Yugyugan Na” sa edad na 85 sa entablado ng isang madilim at malungkot na bar sa gitna ng kawalan. Mahirap-hirap palitan si Karl Roy. Mabuhay si Karl Roy. Patay na si Karl Roy.

 

Pero eto ang mas kamangha-mangha sa lahat: si Pepe Smith buhay pa.

 

Check out our favorite Karl Roy hits here.

 

Art by Warren Espejo. Photos from incrediblethots.multiply.com (Karl Roy) and Cosmo.ph (Lourd de Veyra).

TAGS:
How do you feel about this article?
Win  
17
Yum  
0
Want!  
0
LOL  
0
Yuck  
0
WTF  
1
18
Total Votes
Username   * required
Security Code Security Code  * required
 
NOTE: SPOT.ph editors reserve the right to moderate and delete comments, without notice, that contain abusive or threatening behavior, contain advertising, spam, profanity or malicious comments.
24 Comments
  • ramcastillo
    #kapatidForEver
    Feb 07 2013 @ 09:46pm     Reply  
  • Daphne
    Hi! For all the readers of Lourd's blog out there, can you please answer this survey? Thank you! http://fluidsurveys.com/surveys/daphnecatsao/this-is-a-crazy-planets-by-lourd-de-veyra/
    Aug 20 2012 @ 01:35pm     Reply  
  • cowboyfrhell
    salamat lourd dto... paalam kapatid
    Jul 08 2012 @ 03:17pm     Reply  
  • mylourd
    may special edition ng Bands Magazine ngayong Abril tungkol kay Karl Roy, buy it now bago maubusan.
    Apr 27 2012 @ 12:57pm     Reply  
  • mylourd
    I'd bought the remastered album of P.O.T. at The Landmark just a few hours ago and it cost around P99 doon dahil sale siya. And yes, I'd really miss Karl Roy just like the ill-fated NU 107. Rest In Peace and yugyugan na, Karl! :)
    Apr 24 2012 @ 05:09pm     Reply  
  • bryan
    kung para sa community ng rock ay pambihira ang tinagal ng buhay ni Karl, eh bakit si Pepe Smith na riyan pa rin?
    Apr 09 2012 @ 04:35pm     Reply  
  • KevinRoy
    ITO ANG TUNAY NA LOURD !!! RIP TOL KARL, SALAMAT SA LAHAT...
    Mar 23 2012 @ 02:09am     Reply  
  • kimedes007
    Hanep. Sorry. Ngayon lang ako nakabasa ng article ni Lourd in Filipino. Mas wasak ka pala magsulat using our mother tongue eh. Wasak. :)
    Mar 22 2012 @ 01:51am     Reply  
  • markblisx
    Wasak yung last line haha
    Mar 19 2012 @ 06:24pm     Reply  
  • Funky Punk
    @Alberto,

    Ano kaibahan? pagkakaalam ko, BLACK FLAVORED yung FUNK at WHITE yung PUNK.
    Mar 18 2012 @ 10:11pm     Reply  
  • ALBERTO GLORY
    kagabi 'pag ka uwi ko galing trabaho.nanuod ako sandali ng t.v si shalala lumalabas rin sa master showman.closing na ung aksyon sabado.ung walng tulugan nagsisimula pa lng.

    whitney houston and cha cha.na appreciate ko na pero ung bsb .sorry. dapat na i guest sikarl sa chillax nung buhay pa.
    Mar 18 2012 @ 09:05am     Reply  
  • alberto glory
    TEETH RAZORBACK PNE 'HEADS 'MAYA TRUE FAITH dami album release.p.o.t isa influencial rin.p.o.t put the funk back in pinot rock.
    Mar 17 2012 @ 07:56am     Reply  
  • alberto glory
    anu pinag kaiba ng funk at punk?kaya pal a nagising ako nung march 131:30am.katulad rin nung kay Tita cory nagising rin ako 3a.m tapos umulan naalala ko ung Divine Mercy Hour.
    Mar 17 2012 @ 07:54am     Reply  
  • Conrad
    Lourd really is back. Thank you for this blog post! Rest in peace, Karl Roy.
    Mar 16 2012 @ 10:56am     Reply  
  • epoy
    naramdaman ko din si karl roy sa tula ni lourd na "Odie".
    Mar 16 2012 @ 09:03am     Reply  
  • Mom/Dad ethnic faces Son/Daughter p.o.t
    IT DONT MATTER.a;bum of the year best new artist '95 96.same with Sugarfree. sayang 'di sinundan ung 'heads at 'maya.nag labas ng nag labas ng album.
    Mar 16 2012 @ 08:05am     Reply  
  • Genuine
    No one's as livewire as Karl Roy. Irreplaceable.
    Mar 16 2012 @ 06:28am     Reply  
  • dip parpol
    advent call,p.o.t.,kapatid hanggang indio-i...iba talaga angas ni karl roy. rakrakan na sa taas!
    Mar 16 2012 @ 01:45am     Reply  
  • James Brown
    He was D' Man!
    Mar 16 2012 @ 12:05am     Reply  
  • fuNky
    Rock en Roll man! m/
    Mar 15 2012 @ 04:33pm     Reply  
  • abong
    isa si lourd sa mga dahilan kung bakit nagpapasalamt ako at nalikha ng internet...rip karl roy..rock en roll!!
    Mar 15 2012 @ 03:35pm     Reply  
  • ZiP
    Isang WOTL episode naman para Karl Roy.
    Mar 15 2012 @ 02:17pm     Reply  
  • kapengmabula
    nauna pa siya kina Pepe Smith at Keith Richards. RIP Karl Roy, buti ka pa, hindi na tatanda pa
    Mar 15 2012 @ 12:32pm     Reply  
  • ivanka
    Mabuhay ang Pinoy Rock! Rock on Kapatid!
    Mar 15 2012 @ 10:01am     Reply  
1 to 20 of 24